Тензиите во пресрет на борбата меѓу поранешниот светски шампион Мајк Тајсон и јутјуберот Џејк Пол достигнаа максимум за време на мерењата во Далас.
При доаѓањето за поздравување со противникот, 58-годишниот Мајк Тајсон му удри шлаканица на 31 година помладиот предизвикувач затоа што му пришол во личниот простор и го стапнал. Обезбедувањето веднаш скокна и ги раздвои боксерите, а Пол својот гнев го искажа кон публиката викајќи: „Тајсон мора да умре“.
„Ова е сега веќе лично“ – викаше Пол додека го одвлекуваа Тајсон надвор од бината.
Последната професинална борба на Мајк Тајсон беше пред 19 години, а престојната со Пол е договорена на осум рунди од по две минути. На Тајсон за борбата му е гарантирана заработка од 20 милиони долари, а на Пол од 40 милиони долари.
Борбата во Арлингтон, предградие на Далас, е закажан за сабота наутро од 5 часот по средноевропско време. На стадионот на Далас каубојс се очекува присуство на околу 60.000 гледачи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
