Поранешниот бразилски репрезентативец Роналдињо е најновата спортска мегавезда што објави дека има позитивен тест на коронавирус. Добра вест е што поранешниот ас на ПСЖ, Барселона и Милан нема никакви симптоми.
Тој во последен момент го откажа настапот на еден спонзорски настан бидејќи беше спречен од здравствени причини, за денеска да објави дека станува збор за коронавирус.
„Стигнав во Бело Хоризонте, направив тест на Covid-19 и добив позитивен резултат. Се чувствувам добро, немам никакви симптоми. Голема прегратка до сите и благодарност за желбите се да мине добро“, објави Роналдињо на својот профил на социјалните мрежи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
