Норвешкиот тенисер Каспер Руд синоќа се пласираше во четвртфиналето на Отвореното првенство на САД во Њујорк, откако по четири сета со 6-1, 6-2, 6-7, 6-2 го совлада 112. светски играч Французинот Корантен Муте.
Седмиот тенисер во светот победи по 3 часа и 22 минути и за првпат во кариерата се пласираше меѓу осумте најдобри на УС Опен.
Руд одлично го започна мечот, во првите два сета направи по два брејка и поведе со 2-0. Во третиот сет тенисерите направија брејк и се играше тај-брејк кој Муте го доби со 7-4.
Норвежанецот се засили во четвртиот сет, двапати му го одзеде сервисот на Муте, а по третата меч топка се пласираше во четвртфиналето. Руд во четвртфиналето ќе игра против Италијанецот Матео Беретини, кој по пет сета го совлада Шпанецот Алехандро Давидовиќ Фокина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА