Одличен старт на Мундијалот во Катар имаше селекцијата на Шпанија. И покрај тоа што многу беа оспорувани пред се поради изборот на фудбалери на Енрике, сепак, Шпанците одлично го почнаа шампионатот со победа од 7-0.
Победникот беше решен уште во првите 30 минути кога „фуријата“ имаше 3-0, а потоа во вториот дел само ја довршија работата и убедливо итаат кон првото место.
Олмо во 11. минута го отвори резултатот, за Асенсио по одлична акција во 21. минута да зголеми на 2-0. Феран Торес во 31. минута зголеми на 3-0 од пенал.
Феран Торес својот втор гол го постигна во 54. минута зголемувајќи на 4-0, а Гави стана најмладиот стрелец во историјата на Шпанија со голот во 74. минута за 5-0.
Карлос Солер во 90. минута за 6-0 за Шпанците, а во листата на стрелците во 93. минута се запиша и Алваро Мората за седми гол во мрежата на Навас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
