Македонскиот интернационалец Даниел Мојсов е на мета на грчкиот прволигаш ПАОК.
Солунскиот клуб, како што пренесуваат кипарските медиуми, е заинтересиран за ангажман на Мојсов кој на крајот од изминатава година пак го продолжи договорот со кипарскиот АЕК Ларнака.
„Да, слушнав за интересот од ПАОК, но не знам ништо повеќе од тоа. Засега нема ништо официјално“ – вели Мојсов, дополнувајќи дека без разлика на потпишаниот нов договор со АЕК, во фудбалот ништо не се знае.
„Никогаш не знаете точно на што сте со фудбалот. Ако има добра можност за поголем клуб, па и во друга земја, се може да се случи. Сега, секако сум среќен во АЕК Ларнака, го продолжив договорот, но не знам баш што може да донесе иднината“ – истакнува Мојсов, кој беше избран и во тимот на полусезоната во Кипар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
